Primavera Europea

Castellano · Valencià / Català · Galego · Euskara · Aragonés · Asturianu · Aranés · English
Signatura

PER UA EURÒPA DES PERSONES

Bastir era Euròpa des Persones ei possible.

Per açò, dempús deth Sud d'Euròpa volem acabar damb es retalhades e que paguen es responsables d'aguesta grana fraude. Imposat per ua elèit politica e economica, eth austericidi hè mès paubres milions de persones e ipotèque eth futur des generacions futures. Aguesta Euròpa dera Troica ei de mès en mès desiguau e insostenibla, e pòrte, per desgràcia, ath hèt que de mès en mès gent pèrde era confidança er eth projècte europèu.

En Estat espanhòu se viu de forma encara mès critica aguesta nefasta dinamica damb eth drama deth caumatge, era exclusion sociau o era praubesa energetica, atau coma es vergonhoses casi de corrupcion. Ath delà, dempús dera reforma dera Constitucion Espanhòla de 2011, se priorize eth pagament deth deute abans qu’inversions sociaus e ecologiques. Per se non siguesse pòc, assistim tanben ath madeish temps en un Estat centralista e autoritari, qu'adòpte es sues decisions er es nivèus mès aluenhadi possibles dera ciutadania, en tot negar era sua plurinacionalitat e en tot retalhar era democracia e eth autogovèrn.

Maugrat açò, er un mon globalizat e interdependent, jamès non auíem agut de besonh tant Euròpa. De hèt, era Union Europèa ei un des espacis claus entà lutar contra es granes corporacions e es mercats financèrs, eth cambiament climatic e es populismes xenofòbi e excludints.

Ei per açò que non mos demissionem e passam ara ofensiva. Coma ciutadania, volem reinventar Euròpa dempús dera solidaritat, era democracia e era sostenibilitat. Volem recuperar era nòsta sobeiranetat politica e exercir-la a nivèu supranacional entà acordar per consensus un nau orizon de vida digna e responsabla. Volem aportar responses valides entara majoria des persones e cossent damb es limits dera Planeta.

Èm er Euròpa des persones qu'estimen eth sòn territòri e vòlen sostenibilitat e solidaritat entà aué e deman, er es païsi deth Nòrd e deth Sud. Èm er Euròpa des pòbles que vòlen compartir valors, cooperar entà prosperar e conjugar era diuersitat lingüistica e culturau er un projècte comun de dignitat, patz e benestar.

Dempús dera fèrma volontat democratica, era defensa des drets e libertats, era dignitat des persones e es pòbles, era justícia sociau e ambientau, anam tà cooperar entà hèr possibla ua PRIMAUERA EUROPÈA.

#RESCATAMPERSONES

Anam tà rescatar persones. E per açò volem politiques dotades d'inversions entara creacion d'aucupacion er ua economia ath servici des persones e amb respècte peth miei ambient. Apostam pera tolerància zèro contra era corrupcion, era fraudaria, era elusió fiscau e es paradisi fiscaus.

#DEMOCRACIAREAU

Volem daurir un nau procès constituent europèu cap a ua Euròpa des Persones e des Pòbles mès democratics e transparent. Volem mès poder entath Parlament Europèu, era institucion damb mès legitimitat ciutadana laguens des institucions europèes. Volem transparéncia er eth foncionament d'ua UE ath servici dera ciutadania.

#SOLIDARITAT

Reclamam ua naua Carta des drets fonamentaus sociaus entà garantir educacion, sanitat, justícia e miei ambient entà toti, includides es persones migrants. Priorizam era luta contra era praubesa e era exclusion sociau e impulsaram era defensa dera renda basica universau, atau coma ua cartèra de servicis sociaus minims entà facilitar era autonomia personau e era integracion des persones damb diuersitat foncionau fisica e/o psiquica.

#EUROPADESPÒBLES

Reivindicam era Euròpa des Pòbles, e eth supòrt e respècte dera UE ara sua diuersitat nacionau, culturau e lingüistica, en tot includir-i es minories e nacions sense Estat. Refusam era retalhada ara sua autonomia e procèssi de decision democratica e reclamam era participacion reau e efectiva des unitats subestataus er era prenuda de decisions europèa, damb especiau atencion as Regions Europèes Ultraperifèriques en tot dotar-les dera sua pròpria circonscripcion electorau.

#DRETS

Reivindicam un espaci de libertat e seguretat entà totes es persones, liura de discriminacion, racisme e xenofòbia. Aué volem deféner e conquistar igualtat de drets entàs hemnes e entàs collectius marginalizadi sigatz LGTB+, persones majors, damb diuersitat foncionau.... Era Euròpa que volem defen tanben es drets digitaus, era neutralitat e privadança dera web.

#ECONOMIAVERDA

Apostam pera transicion ecologica dera economia (New Deal Verde) cap a un aute modèl productiu e de consum basat er era economia sociau, sostenibla e deth ben comun, ei a díder ua prosperitat compartida. Finançaram era creacion d'aucupacions verdes e decentes, ath delà de R+D+i, damb ua reforma fiscau que taxe prumèr de toti es recorsi e es capitaus.

#JOENSDAMBFUTUR

Ua Euròpa que dongue responsa e orizons de futur as desirs vitaus dera sua generacion melhor preparada e que non la condemne ara diàspora, que dongue solucions ath drama deth caumatge juvenil damb ua dotacion de hons sufisents ath Gatge Juvenil Europèu e es politiques d'emancipacion.

#NONDEUEMNONPAGAM

Exigim ua auditoria publica e ciutadana deth deute, que permete avalorar-ne era part non legitima e ne repudie eth pagament. Lutam per un nau govèrn economic dera UE, era democratizacion deth Banc Centrau Europèu e ua armonizacion fiscau europèa. Prepausam ua taxa as transaccions financères internacionaus entà evitar era especulacion e finançar era solidaritat.

#EURÒPASOSTENIBLA

Prepausam un nau modèl energetic europèu, liure d'energies fossils e nucleari, sense fracking e basat er es energies renovables e era autosuficiència. Lutam per ua Euròpa ara avantgarda contra eth cambiament climatic, gatge de respècte per era biodiversitat, eth benestar animau, era naua cultura dera aigua e damb politiques agricòles e de pesque.

#FRAIRESAGLOBAU

Volem convertir era UE er ua votz internacionau fòrta e unitària ne la defensa dera solidaritat, era libertat e es drets umans, acabar damb era praubesa e era dignificacion dera migracion intèrna e extèrna. Mos cau redusir era despenuda militara e promòir era seguretat umana e era promocion dera patz.


Primauera Europèa ei ua iniciatiua conjunta de

Coalició Compromís EQUO Chunta Aragonesista Democracia Participativa Por un mundo más justo Partido Castellano Coalición Caballas Coalición Caballas